हाइड्रो पावरको सबै भन्दा महंगो कम्पनी कुथेली बुखरी स्मलको वेभसाईट बन्द, सेयरधनीहरु सुचनाबाट बन्चित

काठमाडौं । कुथेली बुखरी स्मल हाइड्रोपावर लिमिटेडले आफ्नो वेभसाईट बन्द गरेको छ । नेपाल स्टक एक्स्चेन्ज (नेप्से) मा सुचिकृत कम्पनीहरुले सेयरधनीलाई सुचना दिन वेभसाईट निर्माण गरी वेभसाईट मार्फत सुचना दिनु पर्ने व्यवस्था छ । तर, कुथेली बुखरी स्मल हाइड्रोपावरले भने निर्माण गरेको वेभसाईट बन्द गरेको हो । अहिले कम्पनीको वेभसाईट खोज्दा फेला पर्दैन । जलविद्युत कम्पनीहरुमध्ये सवै भन्दा महंगो सेयर भएको कम्पनीको वेभसाईट छैन लगानीकर्ता रामहरी अधिकारीले भने-'दोस्रो बजारमा लगानीकर्ताले के को आधारमा लगानी गरिरहेका छन् । वेभसाईटमा हेरेर लगानीकर्ताले कम्पनीको बारेमा सवै कुरा ज्ञान लिन पाउने व्यवस्थाबाट बन्चित गर्ने यस्ता कम्पनीलाई तत्काल नेप्सेले कारवाही गर्नु पर्छ ।'