याडिया नेपालद्वारा नयाँ GS70, GT70 र GT80 सार्वजनिक, यस्ता छन् मुख्य फिचरहरू

आधुनिक प्रविधि, उत्कृष्ट कार्यक्षमता तथा नेपाली उपभोक्ताको बदलिँदो आवागमन आवश्यकतालाई ध्यानमा राखेर विकास गरिएका यी स्कुटरहरूले नेपालमा स्मार्ट विद्युतीय गतिशीलताको नयाँ अध्याय सुरु गर्ने विश्वास कम्पनीले व्यक्त गरेको छ।

YADEA ले नवीन प्रविधि, उच्च कार्यसम्पादन र दिगो यातायात समाधानमार्फत नेपाली बजारमा आफ्नो उपस्थिति अझ सुदृढ बनाउँदै आएको छ । नयाँ GS70, GT70 र GT80 ले दैनिक सहरी यात्रादेखि लामो दूरीको यात्रा तथा प्रिमियम प्रदर्शन खोज्ने ग्राहकहरूको विविध आवश्यकतालाई पूरा गर्ने उद्देश्य राखेका छन् । यी स्कुटरहरू लामो रेन्ज, स्मार्ट प्रविधि तथा उन्नत सुरक्षा सुविधासहित बजारमा उपलब्ध गराइएका छन् ।

तीन मोडल, तीन फरक अनुभव

YADEA GS70 – स्मार्ट दैनिक सहयात्री

दैनिक सहरी यात्रालाई सहज, भरपर्दो र किफायती बनाउन डिजाइन गरिएको YADEA GS70 मा २.१ kWh LFP ब्याट्री तथा २.८ kW पीक मोटर जडान गरिएको छ, जसले एकपटक पूर्ण चार्जमा १०५ किलोमिटरसम्म यात्रा गर्न सक्षम बनाउँछ। सुविधा, आराम र विश्वसनीयताको उत्कृष्ट संयोजन भएको यो स्कुटर दैनिक प्रयोगकर्ताका लागि उपयुक्त विकल्प हो।

YADEA GT70 – लामो दूरीका लागि तयार

लामो दूरी यात्रा गर्ने तथा अधिक रेन्ज चाहने ग्राहकका लागि निर्माण गरिएको YADEA GT70 मा ५.७ kWh डुअल LFP ब्याट्री प्रणाली (३.६ kWh फिक्स्ड + २.१ kWh रिमुभेबल ब्याट्री) तथा ३.७ kW पीक मोटर रहेको छ। यसले २२० किलोमिटरसम्म यात्रा गर्न सक्ने क्षमता प्रदान गर्नुका साथै रिमुभेबल ब्याट्रीको सुविधाले चार्जिङलाई अझ सहज र लचिलो बनाउँछ।

YADEA GT80 – प्रिमियम प्रदर्शनको नयाँ परिचय

YADEA को प्रिमियम सेग्मेन्टअन्तर्गत रहेको GT80 मा ३.६ kWh लिथियम ब्याट्री, ५ kW पीक मोटर, ८० किमि/घण्टा सम्मको उच्च गति तथा १५० किलोमिटरसम्मको रेन्ज उपलब्ध छ। उत्कृष्ट प्रदर्शन, आधुनिक डिजाइन र आरामदायी राइडिङ अनुभव खोज्ने ग्राहकका लागि यो स्कुटर विशेष रूपमा विकास गरिएको हो।

नयाँ YADEA सिरिजमा अत्याधुनिक स्मार्ट प्रविधिहरू समावेश गरिएको छ, जसले प्रत्येक यात्रालाई अझ सहज र कनेक्टेड बनाउँछ।

मुख्य स्मार्ट फिचरहरू:

* ब्लुटुथ कनेक्टिभिटी

* TFT स्मार्ट डिस्प्ले

* मोबाइल नेभिगेसन मिररिङ

* YADEA स्मार्ट एप कनेक्टिभिटी

* पाँचजनासम्म प्रयोग गर्न सकिने Family Sharing सुविधा

* स्मार्ट Keyless प्रणाली

तीनै मोडलमा निम्न सुरक्षा प्रविधिहरू समावेश गरिएका छन्:

* Traction Control System (TCS)

* Cruise Control

* Hill Hold Control

* Hill Descent Control

* Dual Disc Braking System

YADEA ले आफ्नो अत्याधुनिक ब्याट्री प्रविधि तथा उत्पादन गुणस्तरप्रति विश्वास व्यक्त गर्दै नयाँ GS70, GT70 र GT80 मा ३ वर्ष वा ५०,००० किलोमिटरसम्मको वारेन्टी उपलब्ध गराएको छ, जसले ग्राहकलाई दीर्घकालीन विश्वसनीयता र मानसिक सन्तुष्टि प्रदान गर्छ ।

नयाँ YADEA GS70, GT70 र GT80 अहिले नेपालभर रहेका २० वटा आधिकारिक YADEA डिलरसिप मार्फत उपलब्ध छन् । कम्पनीले आगामी दिनमा देशभर आफ्नो डिलर तथा सेवा सञ्जाललाई थप विस्तार गर्ने योजना पनि अघि बढाइरहेको छ ।

लन्चको अवसरमा कुन्ज नेपाल प्रा. लि. ले NAIMA Auto Show सम्पन्न नहुन्जेलसम्म तीनै मोडलमा रु. २०,००० सम्मको विशेष छुट प्रदान गर्ने घोषणा गरेको छ । इच्छुक ग्राहकहरूले आफ्नो नजिकको आधिकारिक YADEA शोरुममा गई नयाँ मोडलहरूको अवलोकन गर्न, टेस्ट राइड लिन तथा फाइनान्सिङ सुविधा र स्वामित्वसम्बन्धी थप जानकारी प्राप्त गर्न सक्नेछन् ।