कृपया ब्याजमा पैसा खोजेर सेयरमा लगानी नगर्नुहोस् : मनोज कुमार केडिया-अध्यक्ष, सिद्धार्थ बैंक

आज अर्थात मंगलबार सम्पन्न भएको सिद्धार्थ बैंकको साधारणसभामा बोल्दै अध्यक्ष केडियाले भने-'कृपया ब्याजमा पैसा खोजेर सेयरमा लगानी नगर्नुहोला, व्याजमा पैसा खोजेर लगानी गर्दा उचित प्रतिफल पाउन सकिदैन, आफुसँग बचत पैसा छ र राम्रा अनि उचित व्यवस्थापन भएको कम्पनीमा लगानी गरे आफ्नो लगानी सुरक्षित हुनेछ। सेयर बजारको लगानी घर जग्गामा गरेको लगानीले भन्दा बढी प्रतिफल दिने लगानी हो ।'

अध्यक्ष केडियालले २० वटा वाणिज्य बैंकहरुमध्ये सर्वाेउत्कृष्ट बैंक 'सिद्धार्थ बैंक' भएको बताएको छन् । आउँदा दिनमा सेयरधनीलाई बढी भन्दा बढी प्रतिफल दिने गरी बैंकले आफ्नो कामकारवाही अगाडि बढाएको अध्यक्ष केडियाले सभामा सुनाए । 

बैंकले २२ औं वार्षिक साधारणसभा आम्रपाली ब्यांकेट बालुवाटार काठमाडौंमा सम्पन्न भएको छ । साधारणसभाबाट करसहित ४ दशमलव २१ प्रतिशत नगद लाभांश पारित भएको छ ।