वर्षमा कति घर निर्माण हुन्छन नगरपालिकासँग विवरण नै छैन

भवन निर्माणकालागि अनुमति लिने तर निर्माण सम्पन्न भएपछि सम्पन्न प्रमाणपत्र लिन सेवाग्राही नआउने भएकोले विवरण राख्न नसकिएको त्रिनपा भवन निर्माण शाखाले जनाएको छ ।

भवन निर्माणकालागि इजाजत दिंदा २ वर्ष समय तोकिएको हुन्छ तर सो अवधिमा कसैले निर्माण सम्पन्न लिने कसैले नलिने गरेकोले पनि एकिन विवरण संकलनमा समस्या भएको त्रिनपाको भवन निर्माण शाखाले जनाएको छ ।

आर्थिक वर्ष २०७८ ।०७९मा २सय ७२ जनाले भवन निर्माणकालागि इजाजत लिएकोमा सम्पन्न प्रमाणपत्र लिनेमा २ सय ८२ जना रहेको छ । आथिृक वर्ष २०७९ ।०८०मा २ सय ७ वटा घर निर्माणकालागि यजाजत दिइएकोमा ५१ वटामात्र निर्माण सम्पन्न प्माणपत्र दिइएको छ । आ. ब २०७७।०७८ मा२ सय ७३ वटा नक्सापास भै घर निर्माणकालागि इजाजत लिएको देखिन्छ ।

यस्तै गरी आ.ब. २०७८।७९मा २ सय ९५ वटा र ७९।८०मा २सय ४ वटा नक्सा पास भए पनि नक्सा पास भएजति सबैले भवन निर्माण नगरेकोले निर्माण सम्पन्न प्रमाणपत्रमा कमि देखिएको हुन सक्ने भवन निर्माण शाखाले जनाएको छ ।

प्रमाणपत्र लिएको भन्दा बढी घर निर्माण भएको हुन सक्छ । अघिल्लो आर्थिक वर्षमा इजाजत लिएकाले पछिल्लो वर्षमा निर्माण सम्पन्न प्रमाणपत्र लिएकोले इजाजत लिनेभन्दा सम्पन्नता प्रमाणपत्र लिने बढी देखिएको त्रियुगा नगरपालिकाका सूचना अधिकारी घनश्याम पोखरेलले बताए ।

नक्सा पास भएजति सबै भवन निर्माण सम्पन्न हुँदैनन ्। तेकिएको म्यादभित्र सम्पन्न गर्न नसक्नेले तोकिएको शुल्क बुझाएर नवीकरण गरेर बनाउने गरेका छन् । भवन निर्माण गर्दा नगरपालिकाले राष्ट्रिय भवन संहितालाई आधार मानेर मापदण्ड तयार पार्ने भएकोले सोही अनुसार अनुसार भवन बनाउनु पर्ने प्रावधान रहेको सूचना अधिकारी पोखरेलले बताए ।

नक्सा पास गरेर भवन निर्माणकालागि इजाजत लिएकाहरुले निर्माण सम्पन्न भएको प्रमाण्पत्र लिएपछि मात्र वर्षमा कति घर निर्माण भयो भन्ने एकिन तथ्याङ्क आउने सूचना अधिकारी पोखरेलले बताए ।

इजाजत लिएका सबैले समयमा भवन निर्माण गर्न नसक्नुमा आर्थिक मन्दी, भू उपयोगनीति, किताकाट रोकिनु लगायतका कारण रहेको त्रियुगा नगरपालिकाको भवन निर्माण शाखाले जनाएको छ ।