साल्ट ट्रेडिङ्ग कर्पाेरेशनको ५९ औं बार्षिक साधारणसभा सम्पन्न

कम्पनीको संचालक समितिको अध्यक्ष प्रदिप लाल श्रेष्ठको अध्यक्षतामा सम्पन्न सभाले ९.५० प्रतिशत बोनस सेयर ०.५० प्रतिशत (कर प्रयोजनको लागि) नगद लाभांश पारित गरेको छ । 

त्यसै गरी कम्पनीको प्रबन्धपत्र र निमायवली पनि सभाले स्वीकृत गर्ने प्रस्ताव पनि पारित गरेको छ । सभाले सञ्चालकको नियुक्ति अनुमोदन गरेको छ । 

सभाले गत आर्थिक वर्षको वार्षिक प्रतिवेदन र लेखापरीक्षकको प्रतिवेदन स्वीकृत गर्नुका साथै चालु आर्थिक वर्ष २०८२।८३ का लागि लेखापरीक्षकको नियुक्ति र निजको पारिश्रमिक समेत ताकेको छ । सभामा बोल्ने अधिकांश सेयरधनीहरुले साधारणसभा समयमै गर्न लाभांश बढाउन आग्रह गरेका थिए । सेयरधनीहरुले उठाएको जिज्ञासामाथि कम्पनीको सिइओ उर्मिला श्रेष्ठले भोलीका दिनमा सेयरधनलाई उच्त प्रतिफल दिनको लागि व्यवस्थापन र संचालक लागि परेको बताउनु भयो ।