सेयरधनीलाई लाभांश छैन, एनएमबि बैंकका सिइओ केसीले बोनस बापत ६३ लाख ३६ हजार बुझे, तलव भत्ता २ करोड ४८ लाखमाथि

बैंकको ३८ औं वार्षिक प्रतिवेदन अनुसार बैंकका प्रमुख कार्यकारी अधिकृत (सिईओ) सुनिल केसीले बोनस बापत मात्र ६३ लाख ३६ हजार ३९० रुपैयाँ बुझेका छन् । केसी नेपाल बैंकर्स संघका अध्यक्ष समेत हुन् ।

बैंकले प्रकाशन गरेको प्रतिवेदनमा सिइओ केसीले आर्थिक वर्ष २०७९/८० मा कुल २ करोड ४८ लाख १८ हजार ५८९ रुपैयाँ तलव तथा पारिश्रमिक बापत बुझेको देखिन्छ । जसमा तलव ९० लाख रुपैयाँ, संचय कोष ९ लाख रुपैयाँ, भत्ता ८५ लाख, बोनस तथा वेल्फेयर ६३ लाख ३६ हजार ३९० रुपैयाँ र अन्य ८२ हजार १९९ रुपैयाँ रहेको छ ।

बैंकले गत आर्थिक वर्षमा कर्मचारीहरुलाई कुल ५२ करोड ६९ लाख ३७ हजार ८४६ रुपैयाँ बोनसमा खर्च गरेको छ । बैंकले गत आर्थिक वर्षमा बोनस रकम सहित २ अर्ब ९८ करोड ३ लाख ८६ हजार ५३३ रुपैयाँ कर्मचारीहरुमा खर्च गरेको छ ।