२५ प्रतिशत हकप्रद शेयर निष्कासन गर्न नेको इन्स्योरेन्सलाई बोर्डले दियो अनुमति

यो हकप्रद शेयर निष्कासन तथा विक्री प्रबन्धकमा सानिमा क्यापिटल लिमिटेड रहेको छ । नेको इन्स्योरेन्सले उक्त हकप्रद शेयर निष्कासनका लागि २०८० चैत ६ गते आवेदन दिएको थियो । यस कम्पनीलाई नियामकको निर्देशनबमोजिम २ अर्ब ५० करोड रुपैयाँ चुक्तापूँजी कायम गर्नुपर्ने अवस्था छ । पूँजी वृद्धिकै लागि कम्पनीले हकप्रद शेयर निष्कासन गर्न लागेको हो । यो हकप्रद शेयर निष्कासन तथा बाँडफाँटपछि कम्पनीको चुक्तापूँजी २ अर्ब ५१ करोड ५४ लाख ५० हजार रुपैयाँभन्दा बढी कायम हुनेछ । चालू आर्थिक वर्षको पहिलो त्रैमाससम्म यो कम्पनी ७ करोड ४ लाख रुपैयाँभन्दा बढी खुद नाफामा छ । वार्षिक प्रतिशेयर आम्दानी १४ रुपैयाँ १ पैसा रहेको कम्पनीको प्रतिशेयर नेटवर्थ भने २७९ रुपैयाँ ८१ पैसा छ ।