सांग्रिला डेभलपमेन्ट बैंकको २२ औं वार्षिक साधारण सभा सम्पन्न, १०.५२६३ प्रतिशत लाभांश पारित

काठमाडौं । सांग्रिला डेभलपमेन्ट बैंक लिमिटेडले आफ्नो २२औं वार्षिक साधारण सभा सम्पन्न गरेको छ । असोज २२ गते विहीबारका दिन, एलिस रिसेप्सन गैरीधारा, काठमाडौँमा सम्पन्न भएको साधारण सभाले कुल १०.५२६३ प्रतिशत लाभांश वितरण गर्ने प्रस्ताव पारित गरेको छ । जसमा यस डेभलपमेन्ट बैंकको हाल कायम जारी तथा चुक्ता पूँजी रु.३,७३,४०,६८,५०५.५३ -तीन अर्ब त्रीहत्तर करोड चालीस लाख अठ्सठ्ठी हजार पाँच सय पाँच रुपैयाँ त्रीपन्न पैसा) को ६.५२६३ प्रतिशत अर्थात रु.२४,३६,९७,१०२.४७ -चौबीस करोड छत्तीस लाख सन्तानब्बे हजार एक सय दुई रूपैयाँ सतचालीस पैसा) बराबरको नगद लाभांश -कर सहित) र हाल कायम चुक्ता पूँजीको ४ प्रतिशत अर्थात रु. १४,९३,६२,७४०.२२ -चौध करोड त्रीयानब्बे लाख बैसठ्ठी हजार सात सय चालीस रुपैयाँ बाइस पैसा) बराबरको बोनस शेयर रहेको छ । यो प्रस्ताव पारित भए सँगै अब यस सांग्रिला डेभलपमेन्ट बैंकको चुक्ता पूँजी ३,८८,३४,३१,२४५.७५ -तीन अर्ब अठासी करोड चौंतीस लाख एकतीस हजार दुई सय पैतालीस रुपैयाँ पचहत्तर पैसा) पुग्ने भएको छ ।