जेनजी आन्दोलनमा भ्रष्टाचारी करार अहिले सुदनका प्यारा

इलाका प्रशासन कार्यायले नागरिकता, राहदानीदेखि राष्ट्रिय परिचयपत्र लगायतका सेवाहरु न्नागरिकलाई प्रदान गर्न सक्दछ । लामो अवधि सो कार्यालयमा बस्दा किरणले थुप्रै भारतीयलाई नेपाली नागरिकता दिएको गृह श्रोतको दाबी छ । यस सम्बन्धमा श्रोतले भन्यो उनका बारेमा गैरकानूनी रुपले भारतीयहरुलाई नागरिकता दिएको उजुरी मन्त्रालयमा परेको छ । यसरी नागरिकता पाएवापत अनागरिकहरुले २ देखि ५ लाखसम्म लगानी गरेका उजुरीमा उल्लेख रहेका पनि श्रोतले उल्लेख गरेको छ । 

उनी तीन महिनाअघि मात्र सो कार्यालयमा सरुवा भई जिम्मेवारीमा रहेका अर्का उपसचिव विनोद पोखरेललाई त्यहाँबाट फालेर चपुर जान सफल भएका हुन् । अहिले चाहिं राम्रै लगानी गरी उनी फेरी त्यहाँ जानुको मनशाय भनेको पुराना गलत कामका फाइलहरु लुकाउनु वा नष्ट गर्नु रहेको हुनसक्ने गृह मन्त्रालयका एक उपसचिवको आशंका छ । जसरी पनि चपुर नै जानका लागि उनले गृहमन्त्रीसम्म नै पहुँच पुर्याइसकेको बताउँदै गफ गर्न भ्याएका छन् । खासमा आफू ९ महिनामै फर्कन र चपुरमा कार्यरत विनोदलाई ३ महिनामै फाल्न सफल भएका किरणले गृह मन्त्रालयका कर्मचारी प्रशासन हेर्ने हाकिमलाई शुभलाभ पुर्याएर काम फत्ते गरेका बुझिएको छ । 

तीन महिनाअघि जिल्ला प्रशासन कार्यालय पर्साबाट चपुर खटाइएका विनोद किरणका कारण भकुण्डो बनेका छन् । इमान्दारीपूर्वक जिम्मेवारी वहन गर्ने स्वभावका उनलाई गृह प्रशासनबाट मालपोत कार्यालय लाहानमा मिल्काइएको छ । किरण चन्द्रनिगाहापुरकै वासिन्दा हुन् र उनको छक्कपर्दो कमाईका बारेमा स्थानीयवासी विश्वस्त छैनन् । स्थानीयवासीसँग उनको सकारात्मक सम्बन्ध पनि नरहेको जेनजी आन्दोलनमा भ्रष्टाचारी भएको आरोपमा उनको घर पनि जलाइएकोबाट प्रष्ट हुन्छ । जेनजी आन्दोलनमा भ्रष्टाचार करार गरी घर जलाइएका कर्मचारी अकिले गृहमन्त्रालयका प्रिय कसरी भए होलान् ? जेनजी आन्दोलनबाटै स्थापित सरकारमा समेत किरणको प्रभाव र पकड देखेर चपुरवासी भन्न थालेका छन् जान्नेलाई छान्ने भनेको चाकडी गर्न र गलत काम गर्न जान्नेलाई चाहिं छान्ने भनेको हो कि ?