प्राइम कमर्सियल बैंकका अध्यक्ष राजेन्द्र दासले डबल जिडिट भन्दा धेरै लाभांश दिने घोषणा गरेपछि संचालकको १३३.३% भत्ता बृद्धिको प्रस्ताव सभाबाट पारित

सभामा बोल्ने अधिकांश सेयरधनीले सभाबाट संचालक समितिको बैठक भत्ता बृद्धिको प्रस्ताव पास गर्ने भए डबल डिजिटमा लाभांश दिने बचन प्रतिवद्धता गर्न अध्यक्षलाई आग्रह गरेका थिए । सोही अनुरुप अध्यक्ष श्रेष्ठले आर्थिक वर्ष २०८१ /८२ मा १२ देखि २० प्रतिशत लाभांश दिने संकेतिक भाषामा सेयरधनीलाई सम्बोधन गरेका थिए । सेयरधनीले लाभांश नगद र बोनसमा ५० प्रतिशतको दरमा हुनु पन माग रहेको छ ।

बैंकका अध्यक्ष श्रेष्ठले सेयरधनीलाई राम्रो लाभांश दिने बचन प्रतिवद्धता गरेर भत्ताको प्रस्ताव पारित गरेपनि सेयरधनीले विश्वास भने गरेका छैनन् । श्रेष्ठले आर्थिक वर्ष २०७९/८० को बार्षिक साधारणसभामा सेयरधनीलाई आर्थिक वर्ष  २०८०/८१ मा १० प्रतिशत बोनस दिने बताएका थिए । तर, बैंकले आर्थिक वर्ष २०८०/८१ म ५ प्रतिशत नगद लाभांश दिएको थियो । आफ्नो स्वार्थ पुरा गर्न झुटा कुरा सिपाली श्रेष्ठको यो आर्थिक वर्षको साधारणसभामा बोलेको कुरा आउने आर्थिक वर्षमा पुरा हुन्छ कि हुदैन हेर्न बाँकी रहेको सेयरधनी श्रेष्ठ गुणराज भट्टले सुनाए ।

साधारणसभामा बोल्ने अधिकांश सेयरधनीले हामी सेयरधनीलाई ५ प्रतिशत लाभांश दिने अनि भत्ता बृद्धि चाही १३३.३ प्रतिशत बढाउन नपाइने भन्दै सभाहलमा विरोध गरका थिए । सभाले हाल संचालक समितिमा उपस्थिति भए बापत अध्यक्ष र अन्य उपस्थित संचालकले बैठक भत्ता स्वरुप प्रति बैठक भत्ता १५ हजारबाट अहिले बढाएर अध्यक्षलाई प्रति बैठक भत्ता ३५ हजार र अन्य संचाकल समितिका सदस्यलाई प्रति बैठक भत्ता ३० हजार बढाउने प्रस्ताव पारित गरेको थियो । यो भनेको अध्यक्षको बैठक भत्ता १३३.३ प्रतिशत र संचालकहरुलाई १०० प्रतिशतले बृद्धि हो । त्यसै गरी यस अघि संचालकहरुले मासिक १५ हजार लिदैं आएको पत्रपत्रिकाको खर्च बढाएर मासिक ३० हजार पुगेको छ ।