नेपाल क्यासिनो संघले गर्यो जाजरकोटको भूकम्प प्रभावित क्षेत्रका लागि ३५ लाख सहयोग

प्रधानमन्त्रीको प्रकोप राहत कोष लागि मंगलबार संघका अध्यक्ष बिनोद श्रेष्ठ सहितका टोलीले प्रधानमन्त्री पुष्पकमल दाहाललाई ३५ लाख रुपयाँको चेक हस्तान्तरण गरिएको हो । 

जाजरकोट क्षेत्रमा भर्खरै आएको विनाशकारी भूकम्पका पीडितहरूलाई सहयोग गर्ने उद्देश्यले सहयोग गरिएको संघका अध्यक्षले श्रेष्ठले जनाएको छन् ।

क्यासिनो एसोसिएसन अफ नेपाल योगदानको अतिरिक्त, डेल्टिन क्यासिनो, क्यासिनो महजोंग, महजोंग नेपालगन्ज, क्यासिनो प्यालेस नेपाल, क्यासिनो प्राइड, बेलिज क्यासिनो र क्यासिनो भेगास गरि प्रत्येकले ५–५ लाख सहयोग जुटाएर नेपाल क्यसिनो संघलाई हस्तान्तरण गरेका थियो ।

प्रधानमन्त्री निवासमा आयोजित समारोहमा बिनोद श्रेष्ठ लगायत संघका सदस्यहरूको उपस्थितमा प्रधानमन्त्रीलाई चेक हस्तान्तरण गरिएको थियो ।