कुमारी बैंकका ग्राहकलाई बी एण्ड बी अस्पतालमा १०% छुट

बैंकका अनुसार उक्त सहकार्यले ग्राहकलाई गुणस्तरीय स्वास्थ्य सेवामा थप सहज र किफायती पहुँच उपलब्ध गराउने अपेक्षा गरिएको छ।

विगत २५ वर्षदेखि निरन्तर बैंकिङ सेवा प्रदान गर्दै आएको कुमारी बैंकले देशभर फैलिएको आफ्नो सेवा सञ्जालमार्फत ग्राहकलाई सुरक्षित, भरपर्दो तथा उच्चस्तरीय सेवा उपलब्ध गराउँदै आएको जनाएको छ। हाल बैंकका २८६ शाखा, ३०४ एटीएम, ४१ एक्सटेन्सन काउन्टर तथा ४८ शाखारहित बैंकिङ इकाइ सञ्चालनमा रहेका छन्।

ग्राहकको स्वास्थ्य सुरक्षालाई संस्थागत जिम्मेवारीका रूपमा लिँदै बैंकले स्वदेश तथा विदेशका प्रतिष्ठित अस्पतालहरूसँग विभिन्न सहुलियतसम्बन्धी सम्झौता गर्दै आएको छ। यस्ता सहकार्यले ग्राहकलाई गुणस्तरीय स्वास्थ्य सेवामा सहज र प्रभावकारी पहुँच सुनिश्चित गर्न सहयोग पुग्ने बैंकको विश्वास छ।

बदलिँदो समय र ग्राहकको आवश्यकतालाई मध्यनजर गर्दै बैंकले आगामी दिनमा सेवा तथा सुविधाको दायरा अझ विस्तार गर्दै लैजाने प्रतिबद्धता व्यक्त गरेको छ।