नेप्सेमा स्ट्याण्डर्ड चार्टर्ड बैंकको सेयर मूल्य समायोजन

बैंकले साधारणसभा तथा लाभांश प्रयोजनका लागि आज मंशिर १२ गते बुकक्लोज गर्ने निर्णय गरेका थिए त्यसैले हिजोसम्म नेपाल स्टक नेप्सेमा कारोबार भई कायम सेयरधनीहरुले मात्र साधारण सभामा सहभागि हुन र लाभांश प्रात गर्न सक्नेछन् ।

बैंकको ६.५ प्रतिशत बोनसपछि नेप्सेले प्रतिकित्ता ७ सय १३ रुपैयाँ ६२ पैसा कायम हुने गरी मूल्य समायोजन गरेको छ । नेप्सेमा मंगलबारको अन्तिमा कारोबार मूल्य ७ सय ६० रुपैयाँलाई आधार मानेर मूल्य समायोजन गरिएको हो ।

बैंकले हाल कायम चुक्ता पूँजीको ६.५ प्रतिशतका दरले बोनस शेयर र कर प्रयोजनार्थसहित १९ प्रतिशतका दरले नगद लाभांश सहित २५.५ प्रतिशत लाभांश वितरणको प्रस्ताव गरेको थियो ।

बैंकको ३८ औँ वार्षिक साधारण सभा मंसिर २५ गते, आर्मी अफिसर्स क्लब, भद्रकाली, काठमाडौँमा बिहान साढे ९ बजेदेखि शुरु हुनेछ।