सिलीगुडीमा कविहरुको दुई दिने भव्य जमघट, उदयपुरको पर्यटन प्रवद्र्धनमा जोड

भारतको पश्चिम बंगाल स्थित दार्जिलिङ जिल्लाको सिलीगुडीमा नेपालका साहित्यकारहरू भव्य जमघटका साथ दुई दिन आफ्ना रचना सहित गुञ्जिएका छन् । दुबै दिनको कवि गोष्ठीमा उदयपुरका कवि माधव पोखरेल गोज्याङ्ग्रेले उदयपुर जिल्लाको पर्यटन प्रवद्र्धन गर्ने रौतामाई पोखरीको कविता सुनाएर सो कार्यक्रममा उपस्थित भएका भारतीय साहित्यकारहरुलाई उदयपुरको भ्रमण गर्न निम्तो दिएका थिए ।

सिलीगुडीको सालबारीमा पहिलो दिन र सिलीगुडी कै प्रधाननगर स्थित होटल लोफ्थामा दोस्रो दिन नेपाली कविहरुले अत्यन्त मनमोहक तवरले रचना बाचन गरेर उपस्थित दर्शक श्रोताहरुलाई मन्त्र मुग्ध बनाएर फर्किएका छन् ।

पहिलो दिन सिलीगुडीको सालबारी स्थित शब्द समय नामक साहित्यिक अभियानको १२४ औ प्रकरणमा भएका कार्यक्रममा नेपालको उदयपुरबाट माधव पोखरेल गोज्याङ्ग्रे, सुनसरीबाट डमरूबल्लभ भण्डारी, रमेन्द्र कोइराला, राधा सुवेदी लगायतका थिए ।

यसैगरी मोरङका नाटककार तथा कवि भरत गुरागाई बर्बरिक, गायत्री गुरागाई, प्रिन्स प्रमोद ढकाल, चिरञ्जीवी काफ्ले, छत्र काफ्ले, शकुन्तला भण्डारी, पुष्पा नेपाल सुवेदी, शारदा भण्डारी दाहाल रहेका थिए ।

झापाबाट खेमलाल पोखरेल, गोपाल सङ्ग्रौला ,भगवती ढुङ्गेल, शेर बहादुर थापा, समीक्षक दीपक सुवेदी लगायतका साहित्यकारहरूले कविता वाचन गरेका थिए ।

सिलीगुडी सालबारी क्षेत्रका साहित्यकारहरु शैलेन्द्र समदर्शी, कालसिंह रणपहेली, ज्ञानेन्द्र खतिवडा, परालको आगो चलचित्रका नायक टङ्क शर्मा, मोहन सिंह ठकुरी, डा.सञ्जय वान्तवा,खडकराज गिरी, र्मिल सेन्चुरी,मणि कुमार प्रधान,डा. साङ्मु लेप्चा, कविता भट्टराई,मोनिका प्रधान, डा. जगन्नाथ उपाध्याय, जीत बहादुर सुनार, सुभाष क्षेत्री, गंगा प्रधान, पूर्ण मगर लगायतका कविहरुले रचना वाचन गरेका थिए ।

नेपाल भारतका साहित्यकारहररू बिचमा सम्बन्ध जोड्ने र एकापसमा साहित्यिक गतिविधिलाई अघि बढाएर नेपाली भाषा संस्कृतिलाई संरक्षण, सम्वद्र्वनका साथै आउदो पुस्तालाई यसको आवश्यकता महत्व र औचित्यका बारेमा जानकारी होस भन्ने हेतुले नेपाली साहित्यकारहरूलाई बोलाएर कार्यक्रम आयोजना गरिएको जानकारी गराइएको थियो ।

सो कार्यक्रममा सिलीगुडी सालबारी क्षेत्रका साहित्यकारहरूलाई नेपाली साहित्यकारहरूको तर्फबाट ज्ञानेन्द्र खतिवडा, चलचित्र परालको आगोका नायक टङ्क शर्मा, शैलेन्द्र समदर्सी, कालुसिह रणपहेली, मोहन ठकुरी लगायतकालाई सम्मान गरिएको थियो ।

दुबै देशका दुई दर्जन बढी कवि तथा कवयत्रीहरूले कविता कथा, गजल, मुक्तक सुनाइएको सो कार्यक्रममा उतरबङ्ग विश्वविद्यालयका नेपाली भाषा विभागका प्राध्यापक डा संजय वान्तवाले विशेष मन्तव्य दिदै नेपाल र भारत बिचमा रोटी बेटीको सम्बन्ध मात्र नभएर रगतको नाता पनि रहेकोले भाषा साहित्य कला संस्कृतिका क्षेत्रमा सम्बन्ध अझ बलियो गरी गाँसिनु पर्ने कुरामा जोड दिनु भयो । सन १९५० पछि र सन १९९० को बिचको समयमा नेपाली भाषा साहित्यका हस्तीहरू बालकृष्ण सम, लक्ष्मी प्रसाद देवकोटा, लेखनाथ, सिद्वीचरण लगायतले नेपाली भाषा साहित्य कला संस्कृतिको विकासमा ठुलो योगदान गरेको र नेपाल भारत बिचको साहित्यिक सम्बन्धलाई बलियो बनाउने काम गरेको डां वान्तवाले बताउनु भएको थियो ।

दोस्रो दिन भारतको सिक्किम राज्यको गान्तोक स्थित जनपक्ष प्रकाशनले प्रकाशित गरेको र गीताश्री शर्माद्वारा लिखित वर्षा कविता सङ्ग्रह र शर्माद्वारा नै सम्पादित देश विदेशका नारी कविहरुको रम्बास कविताको सङ्गालो काव्याञ्जलिको सार्वजनिकीकरण कार्यक्रम र सम्बन्धित क्षेत्रका स्रोत व्यक्तिद्वारा विभिन्न विधामा वार्ता प्रस्तुति एवम् कविता वाचन कार्यक्रममा नेपालको उदयपुर, सुनसरी, मोरङ, काठमाण्डौ र झापाका डेढ दर्जनबढी कविहरुले कविता, गीत, गजल, मुक्तक सुनाएका थिए ।

सो पुस्तक सार्वजनिकीकरण कार्यक्रममा नेपाल र भारतको आसाम, सिक्किम पश्चिम बङ्गालका कवि साहित्यकारहरुको बाक्लो उपस्थिति रहेको थियो ।

भारतीय नेपाली वरिष्ठ साहित्यकार रुद्र पौडेलको सभाध्यक्षतामा भएको सो कार्यक्रममा आयोजक संस्था जनपक्ष प्रकाशनका तर्फबाट सम्पादक, लेखिका कवि गीताश्री शर्माले स्वागत मन्तव्य दिदै जनपक्ष प्रकाशनले सिक्किमबाट आएर पहिलो चोटी यस्तो भव्य कार्यक्रम सिलीगुडीमा आयोजना गरिएको बताउनु भयो ।

सो कार्यक्रममा भारतको गुवाहाटीकी विशाखा आचार्यले नेपाली गीत आकाशैको कालो वादल पानी प¥यो झमझममा अत्यन्त सुन्दर नृत्य गरेर दर्शक श्रोताहरुलाई मन्त्रमुग्ध बनाएकी थिइन ।

सबैभन्दा पहिले नेपालबाट गएका कविहरु माधव पोखरेल गोज्याङ्ग्रे, गायत्री गुरागाँई, डमरु बल्लभ भण्डारी, सिर्जना नेपाल, पुष्पा नेपाल, रमेन्द्र कोइरालाले कविता वाचन गरेका थिए ।

त्यसपछि सिलीगुडीका पत्रकार विशु क्षेत्रीले भारतीय नेपाली पत्रकारिता सम्बन्धि मन्तव्य दिनु भएको थियो ।

कविता वाचनको दोश्रो प्रकरणमा भारतको असमका कविहरु कल्पना क्षेत्री (कवि तथा गीतकार हरिभक्त कटुवालकी कान्छी छोरी), कुञ्जादेवी, इन्दिरा खड्का, रुक्मिनी शर्मा, हिरन्य आचार्य, गिरीधारी उपाध्याय लगायतका कविहरुले कविता वाचनगरेका थिए ।

तेस्रो प्रकरणमा पुनः नेपालका कविहरु प्रिन्स प्रमोद ढकाल, शकुन्तला मन्जरी, छत्र काफ्ले, चिरञ्जीवी काफ्ले, शारदा दाहाल भण्डारी, भगवती ढुङ्गेल, खेमलाल पोखरेल, राधा सुवेदी,काठमाण्डौका अजिव आचार्य लगायतका कविहरुले कविता वाचन गरेका थिए ।

यसपछि गीताश्री शर्माद्वारा लिखित कविता सङ्ग्रह वर्षा र रम्बास कविता सङ्ग्रह काव्याञ्जलीको मिलन बोहरा, पेम्बा शेर्पा दिपक सुवेदी, शुष्मा शर्मा, पुन्यप्रसाद शर्मा, गीताश्री शर्माद्वारा सङ्युक्त रूपमा पुस्तक सार्वजनिक गरिएको थियो । सार्व जनिक भएको रम्बास कविता सङ्ग्रहको समीक्षा नेपालका समालोचक कवि दिपक सुवेदीले र वर्षा कविता सङ्ग्रहको समीक्षा नेपालकै कवि नाटककार भरत गुरागाई बर्बरिकले गर्नु भएको थियो भने दुवै पुस्तकको समीक्षा लिल बहादुर सुनारले गर्नु भयको थियो ।

यसैगरी रम्बास कविताका जन्मदाता तथा प्रणेता भारतको आसामका कवि मिलन बोहराले रम्बास कविताको परिचय, तीन वर्षको समयमा रम्बास कविताले गरेको प्रगति, प्रकाशित रम्बास कविताका पुस्तकका साथै यसको निर्माण संरचनाका बारेमा चर्चा गर्नु भएको थियो ।

सो कार्यक्रमको संचालन गोपाल ढकालले गर्नुृ भएको थियो भने भारतको सिक्किम, दार्जिलिङ, सिलीगुडी, कालेबुङ, खर्साङ र डुवर्सका कविहरु अप्सरा दाहाल, विचन्द्र प्रधान, काटुक डेङ्जोङपा, निमा तामाङ, विमल खतिवडा र पर्शुराम ढकालले रचना वाचन गरेका थिए ।